کوئٹہ : بلوچستان انسٹیٹوٹ آف نیفرالوجی اینڈ یورالوجی کوئٹہ میں زندگی بچانے والے گردے کی پیوند کاری (رینل /کڈنی ٹرانسپلانٹ) کی خدمات ایک سال بعد دوبارہ شروع کر دی گئی ہیں۔
وزیر اعلیٰ بلوچستان میر سرفراز بگٹی کی دور اندیش قیادت ، وزیر صحت بخت محمد کاکڑ کی غیر متزلزل حمایت اور سیکرٹری صحت مجیب احمد پانیزئی کی مسلسل رہنمائی میں، BINUQ نے ایک سال کے وقفے کے بعد آج گردے کی پیوند کاری (کڈنی ٹرانسپلانٹ) خدمات کی فاتحانہ بحالی کا اعلان کرتے ہوئے فخر محسوس کر رہا ہے۔ ہمارے کنسلٹنٹس اور سرشار سپورٹ ٹیم کی غیر معمولی کوششوں کے ذریعے، رینل (کڈنی) ٹرانسپلانٹ کامیابی کے ساتھ کیا گیا ہے۔
ایک ماں نے اپنا گردہ عطیہ کرکے اپنی بیٹی کو زندگی کا قیمتی تحفہ دیا ہے۔ بیٹی پچھلے ایک سال سے ڈائیلاسز برداشت کر رہی تھی۔ ضلع نوشکی کے ایک مستحق اور پسماندہ خاندان سے تعلق رکھنے والے عطیہ کرنے والے اور وصول کرنے والے دونوں صحت یاب ہو رہے ہیں، الحمدللہ۔ قابل ذکر بات یہ ہے کہ یہ اہم ٹرانسپلانٹ مکمل طور پر ماہر BINUQ ٹیم نے بغیر کسی بیرونی مدد کے کیا۔ یہ اہم سروس اب بلوچستان کے غریب اور نادار مریضوں کے لیے ایک مسلسل فراہمی ہوگی، جنہیں دوسری صورت میں دوسرے صوبوں میں ٹرانسپلانٹ کے طریقہ کار کے لیے دس گنا اخراجات کا سامنا کرنا پڑتا تھا۔
چیف ایگزیکٹو آفیسر بلوچستان انسٹیٹوٹ آف نیفرالوجی اینڈ یورالوجی کوئٹہ ، سربراہ شعبہ گردہ ڈاکٹر فضل مندوخیل کی سربراہی میں گردے کی ماہر پیوند کاری کی ٹیم جن میں ڈاکٹر نادیہ افتخار ، ڈاکٹر حبیب بلوچ ، ڈاکٹر حمید اللہ ، ڈاکٹر صادق کاکڑ جبکہ سربراہ شعبہ یورالوجی ڈاکٹر حیات کاکڑ ، ڈاکٹر شوکت علی ، ڈاکٹر مقبول جبّار ، ڈاکٹر احمداللہ ، ڈاکٹر راشد علی اور ڈاکٹر اسفند یار کے ساتھ ساتھ پیتھالوجی ڈیپارٹمنٹ کے ہیڈ آف ڈیپارٹمنٹ ڈاکٹرعبدالغفّار مندوخیل اور ان کی ٹیم میں ڈاکٹر انوّر ، ڈاکٹر چاندی کپور جبکہ ریڈیالوجی سے ہیڈ آف ڈیپارٹمنٹ ڈاکٹر اعجاز اور کی ٹیم میں ڈاکٹر ظہور ،ڈاکٹر سلیم فرزانہ شامل رہے۔ ان کے ساتھ ساتھ ماہرامراض قلب ڈاکٹر ناصر انیستھیزیا کےلیے ڈاکٹر مولا بخش,،ڈاکٹر یحیٰی ڈاکٹر اکرم اور دیگر سرجنز اور فزیشنز میں ڈاکٹر منان ،ڈاکٹر اسد ندیم اور تمام پیرامیڈیکل اسٹاف، مین آئ-سی-یو، ٹرانسپلانٹ آئی-سی-یو ، وارڈ کا اسٹاف ، شعبہ فارمیسی ، شعبہ بائیومیڈیکل اور دیگر معاونین شعبہ جات شامل رہے۔
