آل پاکستان فارمیسی کالجز ایسوسی ایشن کی مرکزی مجلس عاملہ نےمطالبہ کیا ہےکہ فارمیسی ٹیکنیشن کے سالانہ امتحانات برائے سال 2019 , 2020 , 2021 اور 2022 کا فوری انعقاد کیا جائے اور اس کے راستے میں حائل فارمیسی کونسل کے نامزد اراکین کی جگہ فوری طور پر نئے اراکین نامزد کئے جائیں۔
اے پی پی سی اے کی مرکزی مجلس عاملہ کا اجلاس گزشتہ روز مقامی ہوٹل میں منعقد ہواجس میں اسلام آباد سمیت صوبہ پنجاب کے تمام اضلاع سے تعلق رکھنے والے عہدیداران اور اراکین نے شرکت کی ۔
اجلاس میں سیکرٹری ا سپیشلازڈ ہیلتھ کیئر اینڈ میڈیکل ایجوکیشن سے مطالبہ کیا گیا کہ فارمیسی ٹیکنیشن کے سالانہ امتحانات 2019 , 2020 , 2021 , 2022 کے راستے میں حائل فارمیسی کونسل کے نامزد اراکین کی جگہ فوری طور پر فارمیسی ایکٹ 1967 کے تحت نئے اراکین نامزد کیے جائیں۔
اے پی پی سی اے کے مرکزی عہدیداران نے اعلان کیا کہ وہ جمعہ کو احتجاجاً سیکرٹری اسپیشلائزڈہیلتھ کیئر کے ساتھ طے شدہ میٹنگ کا بائیکاٹ کریں گے ۔ انہوں نے واضح کیا کہ کوئی بھی پیرا میڈیکل یونین کا گروپ فارمیسی کالجز مالکان کی نمائندگی کا حق نہیں رکھتا۔
