ڈاؤ یونیورسٹی آف ہیلتھ سائنسز کوپاکستان میڈیکل کمیشن اور محکمہ صحت حکومت سندھ کی جانب سے صوبہ سندھ کی تمام میڈیکل یونیورسٹیز اور کالجز کے ایم بی بی ایس اور بی ڈی ایس سیشن 23-2022 کے داخلوں کے ٹیسٹ منعقد کرانے کا اختیاردے دیا گیا
ڈاؤ یونیورسٹی آف ہیلتھ سائنسز کی جانب سے جاری کردہ اعلامیے کے مطابق 13 نومبر 2022 کو منعقد ہونے والے میڈیکل اینڈ ڈینٹل کالج ایپٹی ٹیوٹ ٹیسٹ (ایم ڈی کیٹ) کے ایم سی کیوز، سندھ ٹیکس بک بورڈ کے نصاب سےلئے جائیں گے جو کہ ایک ہی پیپر پر مبنی ایم سی کیو امتحان ہوگا اور پورے صوبہ سندھ میں ایک ساتھ ایک ہی وقت پر منعقد ہوگا۔
یاد رہے کہ7 اکتوبر 2022کو جاری کردہ نوٹیفیکیشن میں محکمہ صحت سندھ نے ڈاؤ یونیورسٹی آف ہیلتھ سائنسز کو صوبے بھر میں ایم ڈی کیٹ کے لئے اختیار دیا تھا۔
