وزیر اعلی پنجاب نے صوبے کے تمام سرکاری ہسپتالوں میں ڈاکٹروں کی کمی کو دور کرنے کے لئے محکمہ صحت کو بھرتیوں کیاجازت دے دی ہے جس کے بعد محکمہ پرائمری اینڈ سکینڈری ہیلتھ کیئر نےتمام ڈسٹرکٹ ہیلتھ اتھارٹیز کے چیف ایگزیکٹو آفیسرز کوخالی اسامیوں کی فہرستیں بھجوانے کے احکامات جاری کر دیئے ہیں۔
ذرائع کےمطابق وزیر اعلی پنجاب چورہدری پرویز الہی نے ڈاکٹروں کی بھرتی کی اجازت دے دی ہے جس کے بعد سرکاری اسپتالوںمیں سینکڑوں ڈاکٹروں کو بھرتی کرنے کا فیصلہ کیا گیا ہے جس کےتحت جنرل کیڈر اور سپیشلسٹ کیڈر میں سینکڑوں ڈاکٹروں کوبھرتی کیا جائے گا۔
اس سلسلے میں محکمہ پرائمری اینڈ سکینڈری ہیلتھ کیئر نے تمام ڈسٹرکٹ ہیلتھ اتھارٹیز کے چیف ایگزیکٹو آفیسرز کو خالیاسامیوں کی فہرستیں تیار کرنے کے احکامات جاری کر دیئے گئے ہیں۔ ذرائع کےمطابق ڈی ایچ کیو و ٹی ایچ کیو سمیت دیگر ہسپتالوںمیں ،میڈیکل آفیسرز وویمن میڈیکل آفیسرز اور انٹامولوجسٹ بھرتی کیے جائیں گے۔ سپیشلسٹ کیڈر میں 20 سے زائد شعبوں میںسپیشلسٹ ڈاکٹروں کی بھرتی ہو گی ،بھرتی کا عمل 26 ستمبر سے شروع کرنے کی ہدایت دی گئی ہے۔
