پشتون عمائدین نے پولیو کے خاتمے کے لئے پنجاب پولیو پروگرام کو اپنے ہر ممکن تعاون کی یقین دہانی کرا تے ہوئے کہا ہے کہ بچوں کو اپنے پائوں پر کھڑے دیکھنا چاہتے ہیں ۔پولیو مہم کے لئے اپنے ورکر بھی فراہم کریں گے ۔
یہ بات پشتون عمائدین نے گزشتہ روز پنجاب پولیو پروگرام کے دفتر کے دورے کے دوران گفتگو اور پنجاب پولیو پروگرام کی سربراہ سید ہ رملہ سے ملاقات کے دوران کہی ۔پشتون عمائدین کی قیادت حاجی نادر خان نے کی ۔
سیدہ رملہ نے کہا کہ پنجاب میں پولیو پھیلنے کا خطرہ ہے۔انسداد پولیو مہم میں ٹیموں سے بھرپور تعاون کیا جائے۔حکومت ہر ماہ بچوں کو پولیو سے بچاؤ کے قطرے پلا رہی ہے۔ پولیو کے خاتمے کے لئے ہر طبقے کی شرکت ضروری ہے۔
جس پر پشتون عمائدین نے کہا کہ اس مقصد کے لئے مساجد مدرسوں میں پولیو سے متعلق آگاہی پیدا کی جائیگی ۔انسداد پولیو مہمات کی مکمل حمایت کرتے ہیں ۔پشتون عمائدین نے کہا کہ انسداد پولیو مہمات کے لئے رضاکار دئے جائیں گے۔ رضاکار گھر گھر پولیو سے متعلق آگاہی دے رہے ہیں۔
