پاکستان اسلامک میڈیکل ایسوسی ایشن نےعباسی شہید اسپتال کی انتظامیہ کے اس فیصلے پر حیرت کا اظہار کیا ہے جس میں فلاحی اداروں کی ایمبولینس سروسز کو سر پر چوٹ لگنے والے مریضوں کو اسپتال نہ لانے کے احکامات دیئے گئے ہیں۔
پاکستان اسلامک میڈیکل ایسوسی ایشن کی مجلس عاملہ نے پیما ہاؤس کراچی سے جاری بیان میں کہا ہے کہ شدید زخمی مریضوں کو فوری طبی امداد کی ضرورت ہوتی ہے ایسے میں عباسی اسپتال کی انتظامیہ ایسا فیصلہ کیسے کر سکتی ہے۔ یہ فیصلہ مسیحائی کے پیشے اور اخلاقیات کے بھی خلاف ہے ۔
انہوں نے کہا کہ بلدیہ عظمیٰ کے ماتحت اسپتالوں میں سہولیات کا فقدان ہے، بجائے اس کے کہ انتظامیہ اسپتال کے سہولیات کو بہتر کرے لیکن یہاں مریضوں پر داخلہ ہی بند کیا جا رہا ہے۔
انہوں نے وزیر اعلیٰ سندھ اور ایڈمنسٹریٹر کراچی سے نوٹس لینے کا مطالبہ کیا ۔
