کوئٹہ میں کانگو وائرس کا مشتبہ مریض انتقال کرگیا۔ کانگو وائرس سے متاثرہ شخص کو ہزار گنجی سے تشویش ناک حالت میں فاطمہ جناح اسپتال لایا گیا تھا جہاں وہ جانبر نہ ہوسکا۔ کوئٹہ کے سول اسپتال کے 5 ڈاکٹروں سمیت عملے کے 8 افراد کانگو وائرس کا شکار ہو گئے ہیں۔
اس سے قبل اتوار کی صبح کانگو وائرس سے متاثرہ ڈاکٹر شکراللہ کراچی میں دورانِ علاج انتقال کرگئے تھے جس کے بعد صوبائی محکہ صحت سندھ نے ایڈوائزری جاری کردی جس میں صوبے کے تمام اسپتالوں کو کانگو وائرس سے بچاؤ اور حفاظتی اقدامات کرنے کی ہدایت کی گئی ہے۔
