جناح سندھ میڈیکل یونیورسٹی نے آج بھارت کی گزشتہ شب پاکستان کے خلاف بلا اشتعال جارحیت کے خلاف احتجاجی ریلی کا انعقاد کیا۔ طلباء، اساتذہ اور عملے نے یکجہتی کا مظاہرہ کرتے ہوئے بھارتی اقدامات کی شدید مذمت کی اور پاکستان کی خودمختاری اور سلامتی کے حق میں آواز بلند کی۔
ریلی میں حب الوطنی کے نعرے اور عالمی انصاف کے مطالبات گونجتے رہے۔ مظاہرین نے بینرز اور پلے کارڈز اٹھا رکھے تھے جن پر بھارتی جارحیت بند کرنے اور پاکستانی قوم کے حوصلے کو اجاگر کرنے کے پیغامات درج تھے۔
وائس چانسلر پروفیسر امجد سراج میمن نے اس موقع پر کہا کہ،”پاکستان امن کا خواہاں ہے، لیکن اپنی خودمختاری پر کوئی سمجھوتہ نہیں کرے گا۔ ہم اپنی مسلح افواج کے ساتھ کھڑے ہیں۔”
ریلی کا اختتام پاکستان کی سلامتی اور استحکام کے لیے دعا کے ساتھ ہوا جامعہ اپنے طلباء میں حب الوطنی اور قومی ذمہ داری جذبہ پیدا کرنے کے عزم پر قائم ہے
