صوبائی سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ کی زیرصدارت پراونشل کوالٹی کنٹرول بورڈ پنجاب (PQCB) کا241 واں اجلاس منعقد ہوا۔ اجلاس میں ادویات کے119کیسز پر کارروائی کی گئی۔ کارروائی شدہ کیسز میں ادویات کے 64 کیسز جبکہ ری ٹیسٹنگ کی اپیل کے 55 کیسز شامل تھے۔
بورڈ کی جانب سے ری ٹیسٹنگ کے 55 کیسز میں سے 12کیسز NIH بھجوانے کی اجازت دی گئی۔ 10کیسز ڈرگ کورٹس بھجوانے کا فیصلہ،جبکہ 29 کیسز میں آخری وارننگ جاری کردی گئی۔
میٹنگ میں شرکت کرنے والے دیگر ممبران میں ایڈیشنل سیکرٹری ڈرگز کنٹرول محمد سہیل،چیف ڈرگز کنٹرولرپنجاب اظہرجمال سلیمی، سیکرٹری PQCB محمد شفیق خان، پروفیسر ڈاکٹرمحموداحمد،پروفیسر ڈاکٹر ساجد بشیر،پروفیسر ڈاکٹرمحمد جمشید، پروفیسر ڈاکٹر محمد عزیر، پروفیسر ڈاکٹر نوید اقبال انصاری اورڈاکٹر منیب اشرف شامل تھے۔
